زمان

طوبة و كورة و بلية حديد

و بنطلون و تي شيرت جديد

طوبة و طوبة بنبني الجون

و الكورة بيلعب بيها مليون

و بلية تنزل جوا الجحر

او في مثلث تخبط بلي

و بنطلون و تي شيرت جابولي

فرحة كبيرة ليلة العيد

كنت ساعتها انا لسه صغير

ويا اصحابي مش متحير

و لا متضايق ولا بتعايق

و لا خاين و لا كاره حد

عدي علي الحكايات دي زمن

و لكل شئ دلوئتي تمن

حتي حكاية لبس العيد

بقي زيها زيك يا كفن

شيلت يا قلبي الهم سنين

و اتعذبت من الخاينين

و اتبدد قدامك عمري

طب ليه تضحك و انت حزين !!!

يا بكره

دي ثورة قايمه

و خلق هايمه

في حكاوي فاضيه

و كلام كتير

مالوهش لازمه

و أنا ماشي وحدي

جوا المظاهره

و بقول و ماله

دا بكره أحلي

الناس هتصحي

و تشد حيلها

و هييجوا جنبي

مبقاش لوحدي

مبقاش بطولي

عشان نغير كل الحاجات

و نرجع العمر اللي فات

نخلق حياه حلوه بنا

صافيه جميله بيدنا

يا بكره جاى امتي و فين

مستنيناك من سنين

دانا صبري مات من الانتظار

و كيانى طالب الانتحار

عجـّـل يا بكره بالنهار

لنضيع و ينزل الستار

و لا يكون لينا اختيار

غير بس توهه و انهيار

.... بس توهه أو دمار

لا شئ

-1-

باب موصود و مصباح
جريده و مفتاح
ابتسامات و عربده
طهر و سفطسه
مأذنه و نار
و الحقيقه ... لا شئ

-2-

مدينتي تبكي حزينة

تنهار تتداعى تتآكل

جدران تهدم

حضاره تموت

و نبل بشري ينعدم

صرخات وآهات

و الحقيقه... لا شئ

-3-

نوم عميق و عقل منهك

جسد مسترخى وعينان

قلب ينبض في صمت الواقع

صخب الحياه وتجاهل العامه

اضطرابات نفسيه واطمئنان

نشاط داخلى و خمول

و الحقيقه ...لا شئ

-4-

لعلنا التقينا ...

فافترقنا ..

ذهاب و عوده و وجود

اهتمام بالمجهول

بحث في الماضي و المستقبل

بدايات بلا أحداث

ننتهى ...

و الحقيقه لا شئ

-5-

حروف فكلمات تجتمع

كتب أو دواوين

لا تهتم ...

الكل بلا معنى

و الوعى يغيب

و الحقيقه ... لا شئ .. لا شئ ...

هأأوأوأوو

ببكي في أفراحي .. ببكي
ببكي و في جراحي .. أبكي
ببكي و انا ساكت .. ببكي
و في عز ما انا فرحان .. أبكى
....
بجرى و اسابق الريح .. بجرى
و بغني عربي فصيح .. اغنى
و يمشي بقلب جريح .. امشي
و كلامى كله صريح .. ببكي
....
ياغنوتى طلي عليا
هلى و لفي حواليا
ما تغيبي عنى ولا ثانيه
من غيرك انتى مفيش دنيا
....
خلينا عايشين كدا احسن
أكلة و كسوة و مسكن
واهى عيشة والكل هيرحل
و يشوف نصيبه في الاخرة
....
بقولوكو بلاش كتر كلام
لا ده حلال ولا ديا حرام
الناس غلابه و متعرفش
غير بس في الكورة و الافلام
!!!!!!!!!!!!!!

فـُــكّـيرة

فضلت كتير اقول يمكن
و بتمنى ان انا اتمكن
من الدنيا و احوالها
و اسيطر .. ابطل اتمسكن
لكن باين ماهوش ممكن
ولا يمكن اعيش و اسكن
في دنيا حالها ما هو ثابت
و غدرها ما لو مسكن
.......
يا ريت اكون طير او عصفور
اطير و اغرد .. اعدى السور
بس الحكاية ماهيش سهله
و عايزالها ييجي ميت باسبور
يا عم بقي ما تعيش مستور
و اتعنطظ .. خليك مغرور
و سيبك من كل الحكايات
خليهم يقولو عايش في الدور
......
تجيش اقولك حاجه سهله
لا عايزة تعب ولا مستاهله
هى الحياة ماشية و دايره
ماتوقفش ولو حتى لوهله
................. آه ولا وهله !!!

كان نفسي

كان نفسي أقولك كلام كتير
محبوس في قلبي من سنين
يا حبيبي قرب ليا موت
دانا دنيتى في بعدك بموت
....
حس بحنيني و شوقي ليك
شوف نشوتى و انا بين ايديك
قرب و دوق طعم الحنان
دوب و اسقي قلبي من عنيك
....
انا شوقي ليك مش كلمتين
يتقالو بس في غنوتين
انا شوقي ملو الكون دا كله
و فوق خيالك مرتين
....
اتحدى بيك كل الزمان
حضنك بيدينى الأمان
خدنى و دوبنى في هواك
دانا بالقى فيه حلم الحنان
...

!! دا حالك يا مصر

ودا حزب وطنى ديموقراطى حاكم
دا حاكم بأمره و عايش و عايم
على عوم رئيسه اللى في ملكه هايم
وقاعد مظبط و فارش و نايم
و معيـّـش شعبه عن الفرح صايم
و ناس تجري تصرخ تقول له يا ظالم
و ناس خايفه تنطق و ربك دا عالم
و أيام بينا ماشية و من غير معالم
و كله حاجه واحده .. السجون زى المحاكم
لابد يا مصري يكون حل حاسم
نقول .. نصرخ .. نكسر .. نحطم قوايم
قوايم و ثابتة .. ضلمة و ظلم و مظالم
بفكر في يوم الجلاء اللى جاى .. و بيه فكرى حالم
و ادى ولادك يا مصر .. سيل جاي عارم
ماهو احنا صحيح شعب طيب مسالم
لكن في الشدايد بنقدر نقاوم
نقوم قومة واحدة نشد العزايم
و نرجع بفرحة كبيرة و مباسم
و دمعة ومشيت و بقي الوش باسم
بقي الوش باسم
..........

عيل صغير

حاسس كأنى عيل صغير
لا يعرف يكتب ولا يعبر
ولا يعرف اخضر دا ولا احمر
وواحده واحده العيل بيكبر
يبدأ يشوف يحاول يفكر
و كل مدى يفكر اكتر
يكتب و يقول يا عربي احضر
احضن ولادك و يلا اظهر
بايديهم الارض تعلى و تعمر
و ادخل بجيشك في عدوك اقهر
و لحلم عربي بيعونك اسهر
و نبني و نصنع بايد شاب اسمر
و اهدى و حاسب و اركز و اصبر
و اياك تمشي و تبعد و تهجر
و قول غاليه بلدي و عيدها و انشر
و قول مين بلدي معايا هينصر
...............................

شخبطة

بتضحك يا اهبل يا عبيط
و بتقوللى عادى و بسيط
واقفين كلنا وشنا للحيط
و الكلب بينهش في ضهورنا
اجسامنا تعبت من الضرب
نصرخ ارحمنا يا سي الكلب
فرج لنا يا رب الكرب
و اعمل لنا حاجه يا كبيرنا
كبيرنا مبقاش ليه كبير
كل اللى همه فلوس و حرير
اهو ماشي و فاكرنا حمير
لا يا عم ادينا واخدين بالنا
عارفين لكن ساكتين بالغصب
زهقنا و طهقنا من الغلب
صدورنا مبقاش فيها قلب
و ايه فايدة القلب بلا حب
دا مزيكاتى وماسك ناى
وناسي دا بيشتغل ازاى
و قهوجى بيصب الشاي
و يقول دا ايه اللى بيتصب
فضلت افكر في الدنيا
ووقفت كدا يجي ثانيه
و عرفت فجأة انها فانيه
و اتاريني مش عارف افكر
انا عمرى ما ندمت في يوم
و لا عمرى حبيت اكون مظلوم
معرفش ليه مفارقنى النوم
دا ايه يا ناس الهم دا بس
في ناس كتير بتعيش و خلاص
و ناس تحب تعيش اخلاص
وناس تعيش من غير احساس
و اهو كله عايش موجود حي
و الكل هيموت مش جايز
حتى لو مانتاش عايز
هتموت و تبقي بتاع بايظ
ملكش عازة و لا ليك نفع
كلام كتير .. ناس رغاية
و جماعه يقولو كدا كفاية
لابد للحال دا نهاية
يا ريتنا نخلص من دا الهم
!!!!!!!!!!!!!!!!!!!

يا مالكة القلب

تفضحنا العين و لا ندرى
فأري الأبواب بنا تغلق
و تتوه أمان لفراق
منذ متى نحن لها نفرق
و بدون كرامات منى
و بدون حساب أو منطق
أعرف أنّا لازلنا نحب
و نبحر في عشقٍ أزرق
كالماضي نتناسي الكون
وواقعه مجهولٌ منـّا
و نعيش على عشق مطلق
و نبدد عمرينا أحلام
كأن سوانا لم يخلق
و لأن شكوكي تقتلني
و فؤادى منها ينهار
تفكيري فيها قد أرهق
سائلت عنها الأشواق
علَّ الحب بنا أ بسوانا
يبدو حياً فينا يرزق
أسألك يا مالكة القلب
لم نحتار !!؟
و نحن نغوص ببحر الشوق
لم نغرق !!؟
أسألك بسم فؤادى
بسم كيــانى
بسم وجودى في حياتك
علـّى بسؤالى لا أُحرق
فبكلماتى قد أبدو حياً
أو من كلماتك قد أُصعق
و لكننى أراه ممزق !!
و سؤالى محالٌ أن ألقيه
أجيبيني دونما أن أنطق
أأنا من ترضيه الفارس
ذو الدرع الأبيض و جواد
و ملثم و بسيفٍ بتار
ليدافع عن حبٍ أحمق
فلماذا أنا !!!
فأنا أبصر حمقي غير كثير
و لكم أدري بالحب الأحمق
أم أنك ترضيني لأنى
أحتج لحبٍ يأخذنى
من دنيا جعلتنى مرهق
إنـَّـا بزمانٍ لا يعتق
فتعالى نبحث عن حبٍ
و حنان و ربيع مطلق
فورب العزةٍ خالقنا
غيرك ذا قلبي .. لا يعشق ....

كونى ذاتى

لا تقلبي صفحات الماضي
بحثاً فيها عن رواياتى
أسألى بصراحه
و اتركى أوراقي
فأنا لم أنسى الذكريات
اهدئي قليلاً و استمعي
سأقص عليك سطور حياتي
احصي خيوط رأسك الذهبية
ربما تتعدى جيلاً من نزواتى
طفت دروب الأرض أغرد
أسكرت النسوة نغماتى
كل جميلات العالم يترفعن
و عند لقائى يتعلقن بعباءاتى
لست وسيماً يا امرأةً !!
بل إن السحر عباراتى
أخلد من حواء تماثيلاً
ينحتها رونق كلماتى
لم ينبت في قلبي حب
بل زرعت شوكاً علاقاتى
أبحرت بعيداً أتحدى
أمواجاً توقظ لذاتى
و لقيتك عند الشطآن
أسرعت إليك بنبضاتى
فرت منى حروف الشعر
و لسانى ينطق بسكاتى
و بريق العين يسابقنا
يتحدث كل اللهجات
بعثرت أمامك أسرارى
و بحت إليك بمأساتى
سلمتك قلباً يحميك
فاحرقي بالحب حكاياتى
ولا ترحلى عن قلبي أبداً
فلكل منـّـا هفوات
أنا دوماً أبحث عن حبٍ
عــن أنـــثي تعشقـــــــنى لــذاتى ...

سيجارة

سيجارة و كوباية شاي
و بكلم نفسي و اقول ازاى
في ناس تتمزج من القهوه
و ناس تتمزج من الناي
....
و دى تاني سيجارة بولعها
و بفكر فيها و في جمالها
بحبها دايماً و بغنيلها
و انا عمرى ما خطرت في بالها
....
سيجارة و وراها سيجارة
بولع و فاكرها شطارة
بس اعمل ايه اصلها عادة
و بقت حكمانى بجدارة
....
قمت اجيب علبة سجاير
لقيتها واقفه و يا ساتر
جامدة اوى بنت الايه
اكلمها ولا مانيش قادر
...
رجعت تانى ع القهوة
ندانى واحد من جوه
قاعد لوحدك ليه يا ريس
و قام ضاربنى على سهوه
....
تفتكروا اسيبه كدا و امشي
و افضل متأثر و مانامشي
رزعته رجل كدا في صدره
وقع على الأرض ماقامشي
....
كدا الليلة قلبت ضلمة
و القهوة فجأة بقت زحمه
ناديت على احمد و حاسبته
وانا ماشي دست على فحمه
....
دا ايه الليله الزفت ديا
بقي كل دا بسببها هيا
يا ريتنى ما قمت أجيب سجاير
و لا قابلتك يا جنية !!

كلام كدا

أنا عربي .. بقولها بعلو الصوت
أنا عربي و عارف ..
صوتى مصيره الموت
عندى آهات و حاجات
و كلام كتير مكبوت
يمكن أقول زى ما قال يونس في بطن الحوت
أو زي ما قال جدى تحت شجرة توت
عمرى ما أخاف .. لو حتى هيهدمولى بيوت
أنا عربي مصري صعيدي و سيناوى
أنا منوفي اسكندرانى و محلاوى
حكمنى ناصر للضغيف الأول
و بعده ساده و سادات و الحال بيتبدل
و عيد مبارك عليكم في ليله متبهدل
مش ناقص غير جمالــهم يجي و ينيـْـل
بدعى و أقول يا رب الوضع يتحــــــــــــــــــــــــــــــول !!

أمى

بحبها والحب كلمة قليلة
من غيرها حياتى تبقي أكبر مشكلة
صوتها و صورتها هما نبض قلبي
محتاجها دايماً تبقي جنبي
أمى .. يا كلمة تساوى كتير
صداها غناوى و نسيم و عبير
عمرى في يوم ما انسي كلامك
طول عمرى أفضل فاكر حنانك
زمان سهرتى تعبتي و علمتى
نسيتي حياتك و سبتيها و كبرتى
مهما القلم يكتب يا أمى
ما يوم هيوفيكى حقك انتى ..
على بالى دايماً و فاكره دعاكى
ليا بصلاحي و الفلاح
صلاحي ايه من غير رضاكى
و الاقي فين بعدك فلاح !!
........

الحياة

حب الحياة و عيشها
و إن خاصمتك طنشها
لو كان لك فيها يوم
أكيد هتخطفه منها
...
دى حياتنا هى الحب
و الحب نبض القلب
لا تعيش في هم وملل
حياتنا ملهاش ذنب
...
تصاحب الإنسان
تعيش بروح فنان
لا فى يوم هتكره حد
و لا تبات زعــــلان ...